L Chemun de Urtijëi à ulù premië doi atlec jëuni che se à fat unëur vencian tituli mundiei. L se trata de Alex Oberbacher, campion mundiel U 23 de sauté da mont su che à venciu a Andorra la garejeda tla disciplina «vertical». Doi dis do ovel pona la garejeda «sky», ulache Alex se à tlassifica segondo, vencian nsci la «cumbineda» y purtan a cësa bën doi bedaies d’or y una d’arjënt.
Lisa Werdaner à scentant sce venciu cun i Young Rider la bedaia d’or tla disziplina dl «Reining». L se trata tlo de na varianta dl jì a ciaval, ulache n muessa, cun gran sensibltà, ti fé fé al ciaval muvimënc y n parcour de prezijion. L titul à Lisa arjont a Givrins tla Svizra.
L Chemun à ulù se cungratulé cun ëi.
(Ora dla Plata de Gherdëina)
