11.11 Festa di 90 ani

N sada ai 11 de nuvëmber 2017 iel unì metù a jì la festa per duc i nasciui l ann 1927. Bën 10 iubilars à tëut su l nvit per unì a chësc domesdì tl Café Surëdl.

Demetz Anna Maria dl Baga, Carlina Trebo da Vidalong, Clara Goller Rumerio, Anna Pramsohler, Arnold Mahlknecht da Palmer, Maria Vinatzer Comploi, Notburga Gasser, Fani y Siegfried Irsara (uem y fena) y Engl Senoner da Juntlan, chisc i 10 iubilars che à tëut pert ala pitla festa urganiseda da Rita Faltner, Linda y Karin Irsara. Raimond Irsara y Viktor Canins a suna n valguna de bela melodies cun la chitara. Nce l ambolt Tobia Moroder y l’assesseura per l soziel Martina Comploi à ulù ti mbincé dut l bon, fertuna y sanita per l daunì.

(Ora dla “Plata de Gherdëina”)