La grupa “per l sustëni al artejanat”, metuda su do la prima ancunteda d’anciuda cun i artejans, ferlëigheri i nteressei y uluda dassënn dal cunselier Peter Kostner y dal assessëur Ivan Senoner à d’instà bele laurà drët ativamënter. Tres l Sakl y l Pavël à plu artejans, sota la sëuravijion de Helene Demetz y Romina Demetz à plu jëuni y mutons pudù ciarcë l lëur artejanel. Lunesc, ai 8 d’agost, ie pona tla plaza da lascé i auti dla Ciampinëi unida metuda a jì na sëira, ulache i mutons de Gherdëina, ma sambën ënghe chëi da oradecà pudova ti cialé pro ai artejans coche i lëura. Nia mé, i pudova nstës purvé ora a dessenië, a depënjer, a mudelé y n.i.
D’instà se à nce plu mostri metù a desposizion per ti sté do a jëuni che ëssa nteres de ziplé y ti dajan plu cunsëies, acioche i giape l fortl.
A ëi duc, a duta la grupa “per l sustëni al artejanar” ti va nosc gran rengraziamënt!
N proiet che cialeron mo de tré inant, trajan ite la scoles y i genitores. Ajache sons dla cunvinzion che nosc savëi artejanel-artisch, nosc know-how coche n dij, mparà tres centenëies ne posse nia jì perdù!
