La scola mesana ie unida dertureda dedite, śën iel nce da ti sauté ite dedora via. L’aministrazion de Chemun à nciarià l architet Hannes Mahlknecht de lauré ora n proiet per fé na pitla garage, acioche l ne sibe nia plu auti, rodes y sculeies adum sun la
Ti ultimi ani iel tla scola mesana unì fat dedite truep da nuef, ma l ie nce de bujën de cumedé truep dedora via. L proiet che unirà laurà ora dal architet Hannes Mahlknecht uderà danter l auter dant de fé na garage nueva sota tiera. L ie na situazion periculëusa dan la ntreda dla scola mesana: i sculeies fej damat y vën cun la roda danter i auti ite. Nscila possa i auti unì lascei tla garage nueva y i sculeies à na majera lerch alalergia per fé la pausa o nce per fé lezion alalergia. L ie nce udù dant de njenië ite na lerch aposta ulà lascé la rodes. Nsci ulëssen nvië duc a tò de plu la roda a jì a scola. L sarà n proiet partezipatif ulache duc possa dì la sia. L ti unirà damandà ai mutons y ai maestri cie che ëi adurvëssa y coche ëi se nmaginëssa la plaza dan la scola. Deberieda cun l architet vëniel pona laurà ora la miëura soluzion. Danter mo d’autra cumedures vëniel nce ressanà la scela dovia y l unirà fat n pitl local per mëter ite d’uni sort de roba y njins. I lëures scumencerà tl 2023.