Instà vif – per mutans y mutons dla scola elementera y mesana

Instà vif – per mutans y mutons dla scola elementera y mesana

L’assessëura per la families Martina Comploi y l assessëur per l sport Janpiere Prugger dl Chemun de Urtijëi à metù a jì deberieda cun cater lies l proiet nuef “Instà Vif”. La mutans y i mutons dla scola elementera y mesana arà chësc instà na puscibltà sëuraprò de fé sport y vester creatifs. Propi te chisc tëmps iel dassënn mpurtant che uni muta y mut ebe inò la puscibltà de fé l’atività che ti plej deberieda cun si cumpanies. La cater lies che fej pea pra chësc proiet ie l FC Gherdëina, l Skiclub, l Tennisclub Urti- jëi y La Vëta. L proiet va dai 21 de juni nchin ai 27 de agost y pieta ndut 10 enes de ativiteies. L’iscrizions ie bele daviertes y n possa se scrì ite scrijan na mail diretamënter ala lia nteresseda. Plu nfurmazions iel da udëi sun la plata internet dl Chemun de Urtijëi. L priesc ie de 40 euro al’ena. L rest dla spëises per la lies vën curides cun cuntribuc da pert dl’Agenzia per la families dla Provinzia de Bulsan. Ti mbincion n instà plën de devertimënt a duta la mutans y a duc i mutons y a si families!