De gra al gran mpëni da pert dla Lies turistiches de Gherdëina vëniel a s’l dé, n culaburazion cun i chemuns de Gherdëina, la Val Gardena Club Card y duc chëi che ie residënc te Gherdëina possa da mei 2024 inant s’la damandé.
-
Ies’a n zitadin de Gherdëina? Pona posses te damandé la Val Gardena Club Card – ti cherta cun vantajes per d’uni sort de servijes che vën pitei tla valeda. La Val Gardena Club Card ie na cherta
estlujiva y persunela, che ti vën data ai zitadins de Gherdëina che viv tlo y pieta n sconto per d’uni sort de servijes.
La ufiertes/reduzions vën publichedes sun na plata internet aposta y l tituler dla cherta possa, mustran la Val Gardena Club Card, s’les damandé diretamënter pra i partner che fej pea.
La prima edizion mët man cun l instà 2024 (dai prim de mei 2024).
Chi à pa la rejon de giapé la Val Gardena Club Card?
Duc chëi sëura 11 ani che à la residënza a chësta cundizions:
- residënza ti Chemuns de Sëlva, S. Cristina y Urtijëi
- residënza tla frazions de Sureghes/Runcadic/Bula dl Chemun de Ciastel
- i cunlauradëures de ativiteies che ie cumëmbres de na Lia per l turism de Gherdëina, metù dant che chësta atività feje pea pra la scumenciadiva sciche partner (atif o passif).
Dac persunei:
Per giapé la Val Gardena Club Card iel de bujën dé ju chisc dac:
inuem, cuinuem, data de nasciuda, adres, codesc fischel, adres e-mail, numer de fonin/ telefon
Reduzions che vën dates:
Uni atività à la facultà de pité si sconto/re- duzions
Valores indicatifs per l sconto:
- Restauranc: sconto 10-15% sun maië y buandes
- Bar/cafè: sconto 10-20%
- Huties: sconto 10% sun maië y buandes
- Butëighes: sconto 10% (nia sun articuli bele arbassei)
- Mplanc portamont: sconto 50% sun i viages singuli
- Mprëst dai schi y dala rodes: sconto 20%
- Saslong Classic Club: sconto 30-50% sun la chertes de ntreda ala garejedes de Copa dl Mond te Gherdëina
- Mplanc sportifs: sconto 10-17 % sun ntredes singules
- Taxi: sconto 20% sun l servisc per jites de n di
Chi dà pa ora la Val Gardena Club Card?
La Val Gardena Club Card per chëi che à la residënza te Gherdëina coche descrit dessëura possa unì damandeda a chësta manieres:
- diretamënter sun la plata internet valgardena.it/clubcardgherdeina (la miëura varianta, ie scialdi saurì da scrì ora. L ne va NIA tres Spid) dai 15 de auril 2024 inant
- n alternativa de persona per chëi che à la residënza a Urtijëi o S. Cristina tl ufize turistich de si luech, ntant sce per chëi che à la residënza te Sëlva o Sureghes/ Runcadic/Bula te si chemun.
Tant costa pa la Val Gardena Club Card?
La Val Gardena Club Card ie debant per duc chëi che à la residënza te Gherdëina coche descrit dessëura.
€ 60,00 per l’ativiteies partner per uni cunlauradëur (a sajon).
L’ativiteies che pieta n servisc a n miëur priesc (partner atifs) giapa per si cunlauradëures la cherta debant.
Ativiteies mescededes: la strutures che dà da d’albierch, che pieta per ejëmpl n servisc de beauty farm o bar/restaurant, giapa la cherta debant mé per i cunlauradëures che lëura te chël repart (coche tl ejëmpl). Per duc i autri cunlauradëures muessen paië per la cherta. L’atività muessa vester cumëmbra pra na Lia per l turism nce cun la beauty farm o l restaurant/bar.
Lista dla ufiertes:
- Da abiné sun internet valgardena.it/ clubcardgherdeina
Format dla Val Gardena Club Card?
L se trata de n QR Code che n possa salvé tl format digitel PDF (per smartphone) o stampé ora sun papier.
Ciunes iel pa la cundizions per l’adurvanza?
La reduzions vën mé cunzedudes al tituler mustran la cherta per l servisc, mé a d’ël y les ne vën nia slargëdes ora a d’autra persones. La Val Gardena Club Card ie n docu- mënt defin persunel. L ne vën cunzedù deguna reduzions sce n ne mostra nia la Val Gardena Club Card.
(Ejëmpl: l tituler dla cherta va te n restaurant cun n valgun cumpanies che ne n’à nia la Val Gardena Club Card y paia l cont per duc. Te chësc cajo vën la reduzion mé calculeda sun la cunsumazion dl tituler dla cherta y nia de duta la grupa.)
Cie fé sce n pierd la Val Gardena Club Card?
Sce n pierd la Val Gardena Club Card possen s’la stampé ora da nuef cun l PDF che n à giapà tl mumënt dl’ativazion o se damandé n duplicat ulache n l’à giapeda.
Cie suzedel pa tl cajo de meladurvanza dla cherta?
La Val Gardena Club Card ie n documënt defin persunel che ne possa nia unì dat inant a d’autra persones. Tl cajo de na meladurvanza vën la cherta trata de reviers o dejativeda. L tituler ne n’à nia plu l dërt de n giapé na nueva.
Ideatëures dla Val Gardena Club Card: DOLOMITES Val Gardena deberieda cun la Lies per l turism de Urtijëi, S. Cristina y Sëlva. Partner: Chemuns de Urtijëi, S. Cristina, Sëlva y Ciastel (frazions ladines).
Finanziamënt dla Club Card:
Per mëter mpe y fé funzioné dut l sistem dla Club Card iel nce unì adum de majera spëises. Chëstes ie unides sëurantëutes dala Lies per l turism y dai Chemuns de Gherdëina. Ulon rengrazië duc chëi che à laurà pea a fé garaté chësc proiet che speron che vënie tëut su bën dai zitadins y dala zitadines de nosta valeda.