Konrad Senoner
73 anni, pensionato
Konrad Senoner Fudlé, nasciù ai 14 de utober dl 1951 – 73 ani. Son da n valgun ani incà n pension, ma son mo culaburadëur pra na firma dal gas y feje trasmiscion cultureles per la Rai Ladinia. É tëut la dezijion de me mëter inò a despusizion per la veles de Chemun per la Lista Unica, ajache uei de mi cuntribut per realisé i proiec che do ani de lëur ie śën a n bon pont. Coche presidënt dla Park Urtijëi te chësta legislazion ei abù la sudesfazion, de gra al finanziamënt dla jonta de Chemun cun a cë l'ambolt Tobia Moroder, de pudëi tò la dezijion de ressané la Garage Central y de adaté la strutura dal Tennis a la normatives atueles. A chësta maniera puderan nce tl daunì mëter a jì manifestazions sportives, cultureles y nia per ultimo la espusizion dla UNIKA. Duta chësta manifestazions ne ëssen, zënza chësc ressanamënt, nia plu pudù meter a jì. Candideie nce per sotrissé mi sustëni persunel al candidat ambolt Tobia Moroder che à l merit de n gran savëi, de se mpenië, de respeté i zitadins y de avëi vijions per la proscima generazions. Speri vëiramënter che l devënte per l terzo iede l ambolt de Urtijëi.